A presión sobre a Unión Europea para que axude a atopar solucións prácticas que permitan salvar vidas en Gaza vai a máis. O Parlamento Europeo aprobou unha resolución na que pide unha «pausa humanitaria».
A resolución, que non ten peso legal, chega despois de que Estados Unidos vetase un texto similar do Consello de Seguridade da ONU que pedía pausas humanitarias para entregar axuda vital a millóns de persoas en Gaza.
Os embaixadores dos países árabes ante a UE denunciaron este xoves a falta de acción decisiva do bloque e a súa incapacidade para pedir un cesamento do fogo.
«Pido máis», dicía en Bruxelas o embaixador da Autoridade Palestina ante a UE, Abdelrahim Alfarra. «Pido á Unión Europea que utilice inmediatamente todos os seus medios para presionar a Israel, para que Israel acepte que debe deter os masacres, os ataques contra civís, nenos e mulleres en Gaza».
Diversas oenegués tamén criticaron ao Parlamento Europeo polo seu «tímido xesto» de pedir unha pausa humanitaria en lugar dun cesamento do fogo total.