A Comisión Europea asegurou este luns que «revisará» o seu apoio á UNRWA, a axencia da ONU para os refuxiados palestinos, tras as acusacións de que varios membros do seu persoal estiveron implicados nos atentados do 7 de outubro contra Israel, que deixou máis de 1.200 israelís mortos e provocou unha guerra en Gaza que se cobrou a vida de máis de 26.000 palestinos.
O Executivo comunitario sinala nun comunicado que «determinará as próximas decisións de financiamento para a UNRWA á luz das gravísimas acusacións» vertidas en relación co persoal da axencia da ONU. A Comisión tamén pide que se investigue canto antes a todo o persoal da UNRWA para «confirmar que non participaron nos ataques.»
Sete Estados membros da UE -entre eles Francia, Alemaña, Italia e os Países Baixos- xa anunciaron que suspenderán os pagos á UNRWA á espera das investigacións, aínda que España di que seguirá axudando.