Os membros da Unidade Militar de Emerxencias, achegan toda a súa experiencia loxística para converter deseguida as naves de IFEMA, a feira de Madrid, en hospitais provisionais específicos para o coronavirus e rebaixar así a presión sobre os centros da comunidade, que se atopan á beira do colapso.
Ante a previsión dun incremento significativo na demanda asistencial nos vindeiros días, o Goberno da Comunidade de Madrid e o Ministerio de Sanidade decidiron habilitar decontado os pavillóns 7 e 9. En total, 1.300 camas convencionais e 96 postos na UCI. O 9 xa ten listas 750 camas e e catro módulos UCI con capacidade para 64 persoas. E no sete estanse creando case 600 postos máis. Ademais, nesta primeira fase o pavillón cinco contará con 200 prazas provisionais para recibir os pacientes leves.
Os restantes pavillóns impares van replicar este modelo de hospital por módulos ata 3.000 prazas totais, contando coa UCI. E se fose preciso, seguiríanse habilitando espazos ata chegar ás 5.000 camas.
Os expertos da UME resultan fundamentais para transformar unhas instalacións pensadas para acoller feiras, congresos ou eventos nun hospital de campaña con todas as garantías médicas e hixiénicas.
36