Charles Michel, Presidente do Consello Europeo, tratou en Kiev co Presidente Volodímir Zelenski novas «medidas concretas» que a Unión Europea pode tomar para apoiar a Ucraína: «Certamente, será necesario un décimo paquete de sancións e, para ser claros, temos que ver que sectores adicionais poden ser branco de sancións no futuro».
Zelenski insistiu na necesidade de contar con tanques pesados modernos de deseño occidental. Moitos dos aliados de Ucraína anunciaron plans para aumentar o seu apoio militar a Kiev este mesmo mes, pero o armamento de longo alcance queda por agora, fóra desa axuda. Michel afirmou que se pode avanzar máis na fronte das sancións a Rusia.
O Kremlin respondeu que a subministración de armas a Kiev para ataques en chan ruso levaría o conflito a un novo nivel, e que mesmo o mero feito de tratar sobre entregas de armas a Ucraína é «extremadamente perigoso».