Os Estados membros da Unión Europea acordaron entre outras cousas limitar o prezo do petróleo de Moscova a terceiros países. O rango dos prezos aínda debe ser acordado entre os membros do G7 e a Unión, aínda que iso, aseguran as voces máis destacadas de Bruxelas, é o de menos. A clave, como expresa o expresidente do Parlamento Europeo, Antonio Tajani, é a unión que mostra Occidente con esta rápida decisión ante os últimos movementos de Vladímir Putin. Un dos puntos crave do acordo é o de impedir que as compañías de seguros e de transporte marítimo presten servizos aos buques rusos que transporten petróleo por encima dun determinado custo. Grecia, Chipre e Malta, todos eles con grandes industrias navieiras, mostraron a súa preocupación ante unhas medidas que afectaban as súas economías de maneira directa. Os tres países recibirán finalmente importantes concesións a cambio deses posibles prexuízos.
27