A Unión Europea segue dando pasos cara á independencia do gas ruso. A presidenta da Comisión Europea, Ursula von der Leyen, e o presidente da República de Acerbaixán, IlhamAliyev, asinaban este luns en Bakú un memorando de entendemento polo cal Acerbaixán comprométese a duplicar as súas subministracións de gas aos países do bloque. «A Unión Europea aposta pola diversificación fóra de Rusia», anunciaba Von der Layen, «e por recorrer a socios máis fiables e de confianza. E alégrome de contar con Acerbaixán entre eles. De feito, é un socio enerxético crucial para nós, e sempre foi fiable». En Alxeria, mentres tanto, o primeiro ministro italiano Mario Draghi anunciaba xunto ao presidente Abdelmadjid Tebboune, un novo contrato gasístico de 4.000 millóns de euros, asentando aínda máis ao país africano como principal provedor do transalpino. En 2021, Rusia foi a encargada de fornecer case o 40 por cento do gas natural de Europa, principalmente por gasoduto. A procura de alternativas agora antóllase indispensable.
39