47
A variante Delta de coronavirus proxecta a súa sombra tamén na economía europea. Os optimistas prognósticos de recuperación están a deixar paso á preocupación polo aumento de contaxios e o restablecemento de restricións sociais e de viaxe de cada vez máis Gobernos. A propia Comisión Europea elevara as súas estimacións de crecemento para os 27 en 2021 ata o 4,8%, tras a contracción récord do 6,2% do ano pasado. Esta sería a expansión máis rápida vista nada menos que desde 1976. Supoñería para a economía da UE recuperar o nivel prepandemia cara a finais de ano. Pero isto só sería posible sen a introdución de novas restricións e coas economías totalmente abertas.