O Concello de Malpica, en colaboración coa Deputación da Coruña organiza a XIX Mostra de Teatro Malpica con ampla programación. A Mostra componse de oito obras de teatro para diversos públicos, con funcións os venres dende o 27 de outubro ata o 22 de decembro. O horario das actuacións será sempre ás 20:30 horas, no auditorio do centro cívico de Malpica. Para máis información as persoas interesadas poden acudir ao departamento de Educación e Cultura do Concello de Malpica en horario de 9:30h a 14:00 ou chamar ao 981 707 104.
As obras de teatro da mostra son as seguintes:
Venres 27 de outubro, ás 20.30, Cartoons. Producións Teatrais Excéntricas en coprodución con Teatro do Adro.
Venres 3 de novembro, ás 20.30, Arte sen guión. Galeatro en coprodución co Centro Dramático Galego.
Venres 10 de novembro, ás 20.30 Ás para Alex. Baobab Teatro.
Venres 17 de novembro, ás 20.30, Pedro e o lobo de Fantoches baj.
Venres 24 de novembro, ás 20.30, NINJA. De Teatro Ghazafelhos.
Venres 1 de decembro, ás 20.30, Running. Unha Suorenta Comedia de Ste Xeito Producións.
Venres 8 de decembro, ás 20.30, Entrega en man. Contraproducións.
Venres 22 de decembro, ás 20.30, Degustación de imposibles do mago Joshua Kenneth.
