Estas xornadas de networking están dirixidas á mocidade de 18 a 30 anos e percorren os campus universitarios galegos da Coruña, Santiago, Vigo e Ourense ao longo de cinco mércores dos meses de abril e maio. As temáticas das accións serán Innovación e innovadores no mundo dixital, Medioambiente e sostibilidade, Educación emocional, Talento mozo e Cultura e creatividade.
O programa Primavera Xove está conformado por tres formatos de acción diferentes que se desenvolverán durante estos dous meses e que están dirixidos a ofrecer alternativas de ocio a mozas e mozos a partir dos 14 anos. A oferta desta nova edición distínguese entre as Feiras Primavera Xove nos 12 espazos xoves dependentes da Xunta; o programa de Semana Santa e de fin de semana en albergues xuvenís e os encontros formativos e de networking nos campus universitarios, que este mércores abriron o prazo de inscrición para anotarse.