A Xunta apoia con 2,75 M€ o labor dos centros comerciais abertos e federacións de comercio

Imagen de archivo de las bolsas de promoción del CCA Carballo_Cedida

O director xeral de Comercio e Consumo, Manuel Heredia, mantivo unha reunión con representantes dos centros comerciais abertos para trasladarlles as novidades deste programa e presentarlles un novo entorno dixital que a Administración autonómica pon á súa disposición. Esta nova intranet permitirá optimizar a xestión destas entidades, ao tempo que facilitará melloras nos plans de axuda ofrecidos ao sector, ao contar con datos máis precisos sobre o seu día a día.

Ponse en marcha unha liña en exclusiva para os centros comerciais abertos, o que permitirá que estes teñan arredor dun 20% máis de orzamento ao seu dispór, en total 2.25 millóns de euros. As asociacións de praceiros, que ata o de agora accedían á mesma convocatoria de apoios, contarán este ano cun programa específico.

Os CCAs contarán con axudas de ata 52.000 euros, en función do número de comercios asociados, apoiando así ás asociacións que atraen un maior número de negocios. Entre as actuacións subvencionables atópanse o mantemento de portais de marketplace e iniciativas de dinamización comercial e de fidelización da clientela, ademais do mantemento da unidade xerencial.

Por outra banda, o programa destinado ás asociacións de ámbito superior ao municipal e federacións conta cun orzamento de 500.000 euros. Entre as actuacións subvencionables atópanse as campañas e eventos de promoción e dinamización comercial.