A directora xeral da Axencia Galega de Desenvolvemento Rural, Inés Santé, mantivo unha reunión co alcalde da Laracha, José Manuel López Varela e co concelleiro de Obras Públicas, Urbanismo e Patrimonio, Pablo Cambón. No encontro tratáronse diversas temáticas de especial interese para a poboación do rural da localidade. Así, avaliáronse novas liñas de axudas vencelladas a proxectos en materia de mellora de infraestruturas rurais, ademais de seguir afondando na colaboración co Grupo de Desenvolvemento Rural Costa da Morte.