0
A Consellería de Infraestruturas e Mobilidade vén de iniciar as obras de mellora das paradas de autobús no núcleo das Rañeiras, parroquia de Lestón, no concello da Laracha. Nas intervencións se prevé a instalación de novas marquesiñas, ademais de actuacións complementarias de drenaxe, condución de servizos ou colocación de varandas para protexer aos usuarios aí onde poida haber desniveis. As actuacións son financiadas con fondos MRR do programa Next Generation do Mecanismo de Recuperación e Resiliencia e, tamén, con fondos FEDER 21/27.