A Xustiza europea retira a inmunidade parlamentaria a Carles Puigdemont e aos outros dous eurodeputados de Junts per Catalunya, Toni Comín e Clara Ponsatí, que permanecen fuxidos da Xustiza española.
O tribunal revoga así a decisión provisional que adoptou o pasado 2 de xuño, cando lles concedeu temporalmente a inmunidade parlamentaria. A resolución dáballes a posibilidade de viaxar como eurodeputados á sede da Eurocámara en Estrasburgo (Francia), sen risco de ser detidos.
A retirada da inmunidade implica que Puigdemont e o resto de prófugos non poden abandonar Bélxica, onde residen, ante o risco de que o xuíz do Supremo Pablo Llarena active a euroorden de detención que ditou contra eles.
Os tres eurodeputados residentes en Bélxica están reclamados pola Xustiza española desde a súa fuxida en 2017, por declarar de forma unilateral a independencia de Cataluña.