- Non será o único evento, haberá magosto, desde as 16:00 horas na praza do Concello, e a proxección de ‘Cardoña fotos a 7 pesetas’ no Auditorio Municipal.
A XVI Xuntanza Palilleira celebrarase finalmente no pavillón do IES Terra de Soneira, debido ás intervencións que se están a realizar na cuberta do pavillón municipal, que impiden que se poidan reunir as artesás con total seguridade.
O evento dará comezo este sábado 18 de novembro, ás 10:30 horas, e acudirán 650 palilleiras desde distintos puntos da xeografía galega. O peche terá lugar ás 19:30.
Á inauguración institucional acudirán, contra as 12:00 horas do mediodía, a alcaldesa, Mónica Rodríguez; a concelleira de Cultura, Rosa Blanco; a concelleira de Benestar Social, María José Pose; a concelleira de Turismo, Beatriz Pazos; a subdelegada do Goberno, María Rivas; e a deputada provincial de Emprego, Rosa Ana García.