37
Abanca comprou 150 unidades individuais de coidados intensivos que chegarán a Galicia a próxima semana e que se doarán ao Servizo Galego de Saúde para axudar a todos aqueles pacientes que ingresen con insuficiencias respiratorias polo coronavirus. Os equipos están valorados en 4 millóns de euros. A entidade galega súmase desta forma ás axudas que están a realizar outras grandes entidades e empresas do Ibex 35, comprando respiradores e outros materiais necesarios para loitar contra a enfermidade.