Abascal asegura que Casado «non chegará a ningún goberno»

Nun acto multitudinario no Ifema de Madrid, Abascal dixo este domingo que mantén «infinitas diferenzas» tanto co PSOE coma co PP. Foi na presentación da súa Axenda España, alternativa á denominada Axenda 2030. Abascal cuestionou a proposta de Casado de derrogar as leis máis ideolóxicas do PSOE se chega ao poder: «Pero se o PP ten as mesmas leis en Madrid, en Andalucía e en Galicia. As mesmas leis de xénero, de memoria histórica, de adoutrinamento nas aulas, de imposición lingüística e persecución do español. Se teñen as mesmas leis que Sánchez e non as quitan… Mentira, Casado non derrogará nada e non chegará a ningún goberno, porque aos españois non se lles pode mentir», concluíu.