O Diario Oficial de Galicia vén de publicar o anuncio relativo ao acordo da Consellería de Economía, Industria e Innovación polo que se somete a información pública a solicitude de outorgamento das autorizacións administrativas previa e de construción, o estudo de impacto ambiental e o proxecto sectorial da infraestrutura de evacuación do parque eólico Monteagudo nos concellos de Carballo, A Laracha e Arteixo. O prazo de alegacións está aberto dende este mércores 20 de xullo e ata o 1 de setembro. As alegacións ou observacións que estimen oportunas deberán dirixirse á sección de Enerxía da Xefatura Territorial da Coruña da Vicepresidencia Primeira e Consellería de Economía, Industria e Innovación, (rúa Vicente Ferrer, núm. 2-2º andar, 15071 A Coruña), conforme ao establecido no artigo 16.4 da Lei 39/2015.