Aberto o prazo de solicitudes do PEL da Deputación, con axudas de ata 45.900€

A Deputación da Coruña publicou as bases da nova convocatoria de axudas do Plan de Emprego Local (PEL 2024), que este ano conta cun orzamento inicial de 8.260.000 euros destinados a apoiar a contratación de persoal en empresas, ao financiamento de novos investimentos que melloren a competitividade dos pequenos negocios e a sufragar os custos das cotas á Seguridade Social dos profesionais autónomos. As solicitudes xa poden presentarse a través da plataforma SUBTeL da Deputación da Coruña.