O Concello de Muxía informa de que xa está aberto o prazo para presentar solicitudes de fogueiras e grelladas por motivo de San Xoán no termo municipal. O prazo para presentar ditas solicitudes remata o vindeiro martes, 20 de xuño ás 12 horas.
No caso das fogueiras, as persoas solicitantes e responsables deben ser maiores de idade; na zona urbana o combustible da fogueira non pode superar os 3 metros de perímetro e 1 metro de altura; na zona rural o perímetro debe de ser de 6 metros como máximo e 3 de altura e a separación entre as fogueiras, edificios, árboles, vehículos e mobiliario urbano será de como mínimo 12 metros.
No caso das grelladas, o lume farase sempre sobre unha grella e non se interromperá o habitual paso de peóns nas beirarrúas.
No caso de ambas, debe haber sempre auga preto; está prohibido botar ao lume pneumáticos, plásticos, espumas de poliuretano, aceites, gases a presión e similares; deixarase todo limpo e atenderase sempre ás indicacións por parte da Policía Local e Protección Civil.