- A finalidade destas axudas é paliar os gastos xerados polo pagamento deste servizo
O Concello de Cee acaba de convocar, a través do BOP, as bolsas de comedor escolar para o curso 2021/2022. O prazo para solicitar estas axudas remata o vindeiro 13 de agosto.
As bolsas de comedor van dirixidas ás unidades familiares de convivencia con menores de idade a cargo, escolarizados en centros de ensino do termo municipal de Cee sostidos con fondos públicos que conten con servizo de comedor e que cumpran os requisitos esixidos na presente convocatoria.
A finalidade das mesmas é paliar os gastos xerados polo pagamento do comedor escolar dos cursos de 2.º ciclo de educación infantil, educación primaria e ESO, mediante o abono de todo ou parte dos desembolsos de comedor escolar a unidades familiares en situación de vulnerabilidade.
Consulta aquí as bases.