41
Desde este venres 13 e durante o próximo mes estará aberto o prazo para solicitar axudas destinadas a impulsar a dixitalización dos destinos turísticos españois. O Ministerio de Industria, Comercio e Turismo mobiliza 11 millóns de euros procedentes dos fondos de recuperación Next Generation EU para este fin. As axudas, en réxime de concorrencia competitiva, divídense en dúas convocatorias distintas: unha dirixida aos destinos adheridos á rede de Destinos Turísticos Intelixentes, cun orzamento de 6 millóns de euros, e outra, dotada con 5 millóns de euros, para a transformación dixital de destinos da rede DTI que formen parte dalgunha dos roteiros do Camiño de Santiago.