Os bombeiros do parque Provincial de Betanzos foron alertados ao redor das 18:30 horas da tarde deste luns 14 de xullo, dun accidente no km 5 da AP-9 sentido A Coruña.
O sinistro implicou tres vehículos e provocou que unha persoa quedara atrapada no interior dun dos turismos, sendo necesaria a súa excarceración por parte dos bombeiros. Dúas persoas resultaron feridas e foron trasladadas a centros sanitarios.
No operativo participaron os servizos sanitarios do 061, que mobilizaron unha UVI móbil e unha ambulancia de soporte vital básico (SVB).