O presidente de comité de empresa de Alcoa San Cibrao, José Antonio Zan, anunciou o acordo ao que chegou a representación dos traballadores co secretario xeral de Industria, Raúl Blanco, para convocar a mesa multilateral da factoría, na que estarán representadas as administracións públicas, a empresa e os traballadores.
O comité de empresa mantivo unha reunión co secretario xeral do PSdeG, Gonzalo Caballero, para abordar o estado da fábrica luguesa de Alcoa, despois de que a pasada semana a empresa comunicase a súa intención de levar a cabo máis de 500 despedimentos.
Tras a reunión con Caballero o comité reuniuse con Blanco, co que acordaron a formación da citada mesa, na que estarán representadas tanto a Xunta de Galicia como o Goberno, ademais dos traballadores e a propia Alcoa.