O Goberno e os axentes sociais alcanzaron un acordo para desbloquear a prórroga dos Expedientes de Regulación Temporal de Emprego (ERTE), cuxa vixencia finaliza o vindeiro luns. O Ministerio de Seguridade Social e a CEOE atoparon un punto de entendemento no único asunto que mantiña as negociacións encalladas: as exencións nas cotizacións dos traballadores. O ministro de Inclusión, Seguridade Social e Migracións, José Luis Escrivá, afirmou que se alcanzou un bo equilibrio entre a protección e os incentivos á reactivación dos traballadores no acordo para estender os ERTE máis aló do 31 de maio. Desta forma, as exoneracións á Seguridade Social irán do 60 % ao 100 % segundo o número de traballadores, a actividade ou a situación das empresas. O sistema estará vixente a partir do 1 de xuño e «manterá as características de flexibilidade do modelo anterior e axústase ao ciclo de actividade do tecido produtivo acorde coa evolución da pandemia», segundo apuntan desde o Ministerio de Seguridade Social.
39