- Este servizo municipal é de balde e realízase de luns a venres, en horario de 10:00 a 13:30 horas
O Concello de Muxía puxo en funcionamento este xoves o servizo de recollida de plásticos agrícolas, cuxa xestión depende directamente da Administración local. É totalmente de balde e execútase de luns a venres, en horario de 10:00 a 13:30 horas. As persoas interesadas nesta recollida deberán chamar ao 981 74 20 01 indicando nome e apelidos, enderezo, teléfono e ubicación dos residuos.
Desde o Concello piden a agricultores e gandeiros que dobren e empaquen os plásticos da mellor maneira posible, asegurándose ademais de que non conteñan outros elementos que dificulten os traballos de reciclaxe. De non ser así, a recollida poderá ser rexeitada.
«A prestación deste novo servizo suporá un avance moi importante para minimizar o impacto medioambiental dos plásticos en todo o municipio», destaca o concelleiro de Medio Rural e Parroquias, Javier Romar.