Dada a espectacularidade do sinistro houbo que realizar medicións cun explosímetro e como medida preventiva montouse unha liña de auga de seguridade e colocáronse dous extintores de escuma nos arredores do accidente.
A saída de vía dun vehículo en Perillo alertou na mañá deste domingo aos Bombeiros de Oleiros debido a que o impacto produciuse contra unha gaiola de almacenamento de bombonas de gas butano.
O suceso ocorreu ás 11:53 horas na gasolineira GALP da parroquia oleirense, ata o lugar desprazáronse os bombeiros porque, ademais do perigo de explosión, foron alertados da posibilidade de que houbese persoas atrapadas, aínda que finalmente non foi así.