Actuacións de limpeza nos treitos interurbanos dos ríos Brexa e Mero, en Cambre

1 minutes read

No que se refire ao río Brexa, estas intervencións estanse a desenvolver no percorrido deste río polo lugar do Muíño do Vilar. As actuacións que se están a acometer desenvólvense nunha lonxitude de preto de 235 metros.

En relación ao río Mero, os traballos acométense ao longo dun tramo de máis de 900 metros, nas parroquias de Cecebre e de Bribes.

As tarefas céntranse na retirada de árbores e pólas caídas na canle, así como madeira morta para evitar atoamentos, co fin de que os ríos queden despexados de maleza, posibilitando así a circulación fluída das súas augas.

Augas de Galicia desenvolve estas accións no marco do programa de mantemento, conservación e mellora do dominio público hidráulico das bacías de Galicia-Costa, no ámbito territorial Galicia-centro e as súas zonas de acceso e protección.

Os traballos contribúen á mellora dos leitos fluviais para acadar condicións naturais do ecosistema que favorezan os aspectos medioambientais e de uso social na contorna dos ríos.

Estás seguro de que quieres desbloquear este artículo?
Desbloquear izquierda : 0
Estás seguro de que quieres cancelar la suscripción?