Actuacións pola igualdade na Escola de Teatro de Ponteceso

Seguen as actuacións e as aprendizaxes na Escola de Teatro de Ponteceso que conta, desde o pasado mes de outubro, cun total de oito nenas que compaxinan xogos teatrais, exercicios de expresión oral e corporal e arriscadas propostas de improvisación.

De maneira paralela a estas actividades formativas, as alumnas preparan pequenas montaxes teatrais para representar nalgunhas datas sinaladas. Esta semana as obras interpretadas estiveron relacionadas coa igualdade de xénero.