0
A Axencia de Doazón de Órganos e Sangue (ADOS) fixo este martes un chamamento á poboación de Galicia para que doe sangue ante os baixos niveis das reservas, especialmente dos grupos A positivo e 0 negativo. Os hospitais de Galicia necesitan entre 400 e 500 doazóns diarias para levar a cabo de maneira eficaz o seu labor asistencial. Sanidade sinala nun comunicado que“é imprescindible a xenerosidade e o altruísmo de toda a cidadanía”. As distintas unidades móbiles de ADOS visitarán estes días diferentes concellos da comunidade para conseguir as doazóns precisas. Na seguinte ligazón poderás atopar toda a información de `Onde doar´ (https://ados.sergas.gal/cartafol/sangue-ondedoar).