46
A Deputación da Coruña vén de asinar o contrato para a execución das obras de renovación do firme e mellora da seguridade vial dos primeiros 2,5 quilómetros estrada provincial DP 1904 da Feira de Berdillo ao Moucho, no termo municipal de Carballo.
As obras foron adxudicadas á empresa GR Construcciones por 195.479,05 euros e terán un prazo de execución de catro meses.
Os traballos comezarán coa limpeza de arcéns e beiravías, o fresado e reparación das zonas máis deterioradas do vial e a regularización do firme. Posteriormente, procederase á pavimentación do tramo con mestura asfáltica en quente de 6 cm de espesor en todo o ancho da calzada.
O proxecto contempla ademáis o pintado da estrada e a renovación da sinalización vertical e horizontal.