- A entidade presentou ‘O chocolate da memoria’, un proxecto en colaboración coa empresa Chocolates Mariño
Vinte anos non se cumpren todos os días, por iso desde a Asociación de familiares de Alzhéimer e outras demencias – AFABER decidiron celebrar a súa traxectoria poñendo en marcha ‘O chocolate da memoria’ en colaboración con Chocolates Mariño.
Con este proxecto distribuiranse tabletas e paquetes de chocolate desta empresa centenaria e parte do prezo dos produtos irá destinado a AFABER. Ademais, os usuarios da asociación serán os encargados de envolver e decorar estes elementos que levarán aos seus consumidores a revivir a súa infancia.
As persoas interesadas en mercar os chocolates poderán acudir ao centro de AFABER (Rúa Camelias, nº2 baixo) en horario de mañá ou chamar ao 625 980 691.