A Deputación da Coruña publicou no Boletín Oficial da Provincia (BOP) a concesión definitiva de axudas ás entidades sen ánimo de lucro que desenvolvan iniciativas de asesoramento e orientación sociolaboral; atención psicolóxica; terapias de rehabilitación; programas de apoio para persoas con adiccións; intervención terapéutica nos trastornos alimentarios, charlas, foros, publicacións, programas formativos e campañas de sensibilización sobre diferentes doenzas, en definitiva, proxectos en beneficio da sociedade. Estas axudas van desde os 1.000 euros ata un máximo de 40.000 euros. Entre as entidades beneficiarias atópanse a Asociación Familiares Enfermos de Alzheimer de Bergantiños (Afaber), e a Asociacion Familiares Enfermos de Alzheimer e Outras Demencias de Fisterra e Soneira, (Afafes), ambas con 34.000 euros.
36