O grupo Iberia tivo que cancelar 444 voos programados nos catro días entre o 5 e o 8 de xaneiro, debido á folga do persoal de servizo de asistencia en terra, afectando a un total de 45.641 viaxeiros. Dos voos cancelados que coinciden coa festividade de Reis e o retorno de milleiros de persoas aos seus lugares de traballo ou residencia, 270 corresponden a Iberia, 64 a Iberia Express e 110 a Air Nostum. A folga convocouse polos sindicatos CCOO e UXT despois de que Iberia perdera o servizo de asistencia en terra nos principais aeroportos do país no concurso fallado polo xestor aeroportuario Aena. As negociacións para realizar o autoservizo de asistencia en terra finalizaron sen acordo. Nos vindeiros días, os viaxeiros serán informados da posibilidade de recolocación noutros voos.
25