46
Bagdad expulsou á embaixadora sueca do seu territorio, a pesar de que finalmente non se produciu a queima dun exemplar do Corán prevista para este xoves ante a embaixada iraquí en Estocolmo. O convocante limitouse a pisalo. Trátase de Salwan Momika, un refuxiado iraquí que o pasado xuño si queimara o libro sacro dos musulmáns nun evento similar. Decenas de persoas protestaban á súa vez contra este acto de protesta. E na capital iraquí, manifestantes expresaban a súa indignación pola posible ultraxe ante a embaixada sueca, asaltada e incendiada por centenares de persoas na madrugada deste xoves. O Goberno anunciou a suspensión da licenza da empresa sueca Ericsson Telecom para operar no país.