- Esta tarde reuniranse ambos líderes políticos para tratar este posible tricentrito
O presidente de Ciudadanos, Albert Rivera, propuxo este luns que a súa formación e o PP faciliten cunha abstención á investidura do líder socialista, Pedro Sánchez, para evitar ir a novas eleccións. Con todo hai un pero, e é que o líder de Ciudadanos di que apoiaría esa investidura a cambio de tres condicións: non indultar aos acusados no «procés» e aplicar de novo o artigo 155 en Cataluña, non subir impostos nin ás familias nin á autónomos e romper con EH Bildu en Navarra.
Albert Rivera e o líder do PP, Pablo Casado, reuniranse esta tarde no Congreso para falar sobre esta posible abstención conxunta, aínda que desde o Partido Popular xa manifestaron que esta «alianza política» xa lla presentaron a Sánchez, e só recibiron negativas.
Pola súa banda, o presidente en funcións respondeu que «non hai ningún obstáculo real para que PP e Ciudadanos se absteñan» e engadiu que desde as eleccións el sempre reclamou unha abstención técnica de ambos partidos.
VALORACIÓNS DOUTROS PARTIDOS POLÍTICOS
O portavoz de VOX, Iván Espinosa de los Monteros, tamén se pronunciou e argumentou que «Alegrámonos porque se tente chegar a un acordo xa que sempre será mellor a moderación socialdemócrata do PP que a radicalidade progre do PSOE e que se poñan en mans dos aínda máis radicais de Unidas Podemos».
Desde UPN también deron luz verde á proposta de Ciudadanos, aínda que consideran que o PSOE xa elixiu a EH Bildu como o seu socio.