Alcoa iniciou o procedemento para recorrer ao Supremo a sentenza do Tribunal Superior de Xustiza da Galiza (TSXG) que tombou o ERE da factoría de San Cibrao. Fontes de Alcoa xa advertían fai uns días de que estudarían o auto pero insistían na “reestruturación” da planta da Mariña. Desde a dirección da empresa agora agardan que o Supremo considere que actuou “de boa fe” nas negociacións do Expediente de Regulación de Emprego (ERE). A compañía achaca o peche a “un largo período de consultas sobre os importantes e permanentes problemas estruturais que fan que a planta de aluminio de San Cibrao non sexa competitiva”.