O ministro de Defensa de Alemaña, Boris Pistorius, anunciou que unha coalición de países europeos disponse a entregar máis de 100 carros blindados de tipo Leopard 1 a Ucraína. O envío producirase “en etapas” e ata o verán Kiev recibirá polo menos 20 ou 25 exemplares, dixo Pistorius nunha comparecencia na capital ucraína, á que viaxou sen que se informase con antelación aos medios. Pistorius sinalou ademais que a formación de 600 oficiais ucraínos no manexo destes carros blindados xa comezou. O ministro socialdemócrata subliñou a súa alegría polo feito de que finalmente se puido chegar a un acordo para fornecer os tanques a Ucraína de forma coordinada, pero non nomeou ao resto de provedores. A revista alemá “Der Spiegel” adiantou que o Goberno alemán autorizou o envío de 178 carros blindados Leopard 1 por parte de empresas de armamento xermanas.
24