Alemaña abandona totalmente o uso da enerxía nuclear co apagado dos tres últimos reactores activos: Isar 2, Neckarwestheim 2 e Emsland. Os reactores, situados no oeste e sur do país, xeran aproximadamente o 5% da electricidade que produce Alemaña. O Ministerio de Economía reiterou que a seguridade da subministración enerxética está garantida grazas ás enerxías renovables e a pesar das consecuencias da guerra en Ucraína. Pero o peche xera dúbidas entre empresarios e científicos, e conta coa oposición dos conservadores. A entón chanceler Angela Merkel tomou en 2011 a decisión de abandonar a enerxía nuclear tras a catástrofe de Fukushima, no Xapón, aprobada por unha ampla maioría no Parlamento -con 513 votos a favor e 79 en contra- pero a incerteza provocada pola guerra de Ucraína reabriu o debate sobre unha forma de enerxía que, reiteramos, xeraba o 5% da electricidade consumida en Alemaña.
31