47
Alemaña opta por reforzar o seu sistema de saúde público. O país vai empregar 4.000 millóns de euros ata 2026 para fortalecer a sanidade pública, que os estados federados deberán investir na contratación de máis persoal, en aumentar o atractivo do emprego público, en dixitalización e no desenvolvemento de estruturas sostibles. O obxectivo é poder contar ata finais de 2022 con polo menos 5.000 novos empregos para médicos, persoal cualificado e administrativo na sanidade publica. «Non só queremos superar esta pandemia da mellor maneira posible, tamén queremos aprender dela. Aprender como podemos fortalecer o noso servizo de saúde pública, en especial de fronte ao futuro», asegurou en rolda de prensa Jens Spahn, ministro de Sanidade alemán.