18
Angela Merkel reuniuse este domingo cos representantes dos lánder e confirmou esta decisión tras o encontro. Deste xeito, Alemaña pechará desde o mércores ata o 10 de xaneiro os colexios, escolas infantís e comercios non esenciais para frear a segunda vaga da pandemia que afecta o país. Isto únese ao peche de bares, restaurantes, teatros, cinemas, museos e instalacións deportivas clausuradas desde hai seis semanas. Esta fin de semana en 24 horas o país rexistrou 20.200 contaxios, o peor dato nun domingo en toda a epidemia, e 321 mortes. Merkel decide estas medidas tan drásticas ante o avance imparable da segunda vaga da pandemia no país, referente antes para Europa e o mundo na contención do virus.