32
Alexéi Navalni está ingresado nun hospital penal. O líder opositor ruso cuxa vida «pende dun fío» segundo os seus médicos, foi trasladado o domingo e sen coñecemento da súa familia a un hospital para recluídos na rexión de Vladímir, a uns 200 quilómetros de Moscova, onde cumpre condena. Tras as presións internacionais para que se protexa a vida do crítico do Kremlin, o portavoz do presidente ruso Vladimir Putin dixo que «o estado de saúde dos condenados e sentenciados no territorio da Federación Rusa non pode nin debe ser obxecto de interese doutros países». Segundo o servizo penal o estado de Navalni é «satisfactorio», e accedeu a seguir un tratamento con vitaminas.