18
O Parlamento Europeo outorgou o premio Sájarov á liberdade de conciencia do ano 2021 ao líder opositor e activista anticorrupción ruso Alexéi Navalni, un dos grandes opositores políticos de Vladimir Putin e que leva no cárcere desde febreiro deste ano. Os líderes dos grupos parlamentarios europeos apoiaron maioritariamente esta candidatura por encima da outra favorita, a dun colectivo de mulleres afgás en defensa dos dereitos humanos e a igualdade, e a da expresidenta interina de Bolivia Jeanine Áñez. O premio de 50.000 euros entregarase durante a sesión do 15 de decembro do Parlamento Europeo en Estrasburgo, Francia.