O presidente da Xunta, Alfonso Rueda, designou este martes ao seu novo Goberno a fronte da Xunta de Galicia, no que Diego Calvo ascende a vicepresidente primeiro e Ángeles Vázquez sobe á Vicepresidencia segunda. Unha das principais novidades desta reforma do Executivo galego é a saída da conselleira do Mar, Rosa Quintana, no cargo desde 2009. Será segunda de lista do PPdeG por Ourense ao Congreso este 23 de xullo. Os cambios prodúcense pola saída do vicepresidente primeiro, Francisco Conde, que será cabeza de lista do PPdeG por Lugo. As responsabilidades que abandona Conde -Economía, Industria e Innovación- pasarán a mans da que ata a data era encargada de Emprego e Igualdade, María Jesús Lorenzana. Os dous novos conselleiros serán Elena Rivo, á fronte do departamento de Emprego e Igualdade, e Alfonso Villares que será o titular da Consellería do Mar.
O novo Executivo, que quedará conformado do seguinte xeito:
| Vicepresidencia Primeira e Consellería de Presidencia, Xustiza e Deportes | Diego Calvo Pouso |
| Vicepresidencia Segunda e Consellería de Medio Ambiente, Territorio e Vivenda | Ángeles Vázquez Mejuto |
| Consellería de Facenda e Administración Pública | Miguel Corgos López-Prado |
| Consellería de Infraestruturas e Mobilidade | Ethel Mª Vázquez Mourelle |
| Consellería de Economía, Industria e Innovación | María Jesús Lorenzana Somoza |
| Consellería de Cultura, Educación, Formación Profesional e Universidades | Román Rodríguez González |
| Consellería de Promoción do Emprego e Igualdade | Elena Rivo López |
| Consellería de Sanidade | Julio García Comesaña |
| Consellería de Política Social e Xuventude | Fabiola García Martínez |
| Consellería do Medio Rural | José González Vázquez |
| Consellería do Mar | Alfonso Villares Bermúdez |