34
O Goberno permitirá que a metade das estacións de servizo pechen temporalmente ante a forte caída da demanda de carburantes que provocou a declaración do estado de alarma para frear o coronavirus. Nunha orde ministerial do Ministerio para a Transición Ecolóxica, establécese que o 50 % das gasolineiras terá liberdade para reducir ao máximo o seu horario e mesmo pechar temporalmente. Outro 37 % deberá abrir no seu horario habitual, mentres que o 13 % restante terá que ofrecer un servizo mínimo de 5 horas de luns a sábado, Transición Ecolóxica fixará que estacións de servizo deben permanecer abertas, entre as que figurarán as que moven maiores volumes e aquelas situadas xunto a infraestruturas esenciais, como hospitais.