A Deputación da Coruña recibiu este luns a visita dun grupo de 45 mozos e mozas do Instituto de Ensino Secundario Urbano Lugrís de Malpica de Bergantiños.
Os alumnos ocuparon por un día os escanos dos deputados proviniciais no salón de plenos, onde o presidente da Deputación, Valentín González Formoso, e o deputado provincial José Manuel Lage Tuñas explicaron aos escolares a historia, a misión e o funcionamento cotiá da institución provincial e a importante colaboración que presta para que os pequenos concellos da provincia podan mellorar as súas infraestruturas e servizos públicos.
O programa completouse coa recepción do grupo por parte dos responsables do servizo Europe Direct A Coruña, centro oficial de información da Comisión Europea pertencente á Deputación da Coruña. O centro deu a coñecer aos mozos e mozas o funcionamento da Unión Europea e as oportunidades que a mocidade ten ao seu alcance para participar no proxecto europeo