A portavoz nacional do BNG, Ana Pontón, participará na noite deste venres na homenaxe a Evencio Ferrero, alcalde da vila de Carballo durante vinte e dous anos (2003-2025), a quen acompañará tamén neste acto o actual rexedor, Daniel Pérez.
O encontro terá lugar no Pazo de Vilar de Francos, na parroquia de Artes a partir das 20:00 horas, un ano despois da súa despedida da Alcaldía e da corporación municipal. Evencio Ferrero pechou o 4 de outubro do 2025 unha etapa excepcionalmente longa na vida pública local: 46 anos como membro da corporación municipal, desde 1979, e 22 anos como alcalde de Carballo.
A homenaxe pretende ir máis alá do recoñecemento á súa etapa á fronte do Concello e ofrecer unha mirada ampla sobre unha vida estreitamente vinculada a Carballo e ao proxecto municipal do BNG.
No acto tamén estarán presentes varias persoas que acompañaron a Evencio Ferrero ao longo das diferentes etapas da súa traxectoria persoal e pública.
Participarán tamén veciños e veciñas que coincidiron con Evencio Ferrero ao longo de máis de catro décadas de vida pública.