O secretario xeral da ONU aproveitou o seu segundo día de estancia en Chisinau para mostrar o seu apoio e o da organización que representa aos preto de medio millón de ucraínos que chegaron a este país fuxindo da guerra.
Guterres fixo unha vez máis un chamamento á paz: «Esta traxedia demostra que a guerra é unha cousa sen sentido e que este conflito debe parar», dicía ante os medios. «Non hai solución militar para os problemas aos que nos enfrontamos. É absolutamente necesario deter esta guerra e que prevaleza o dereito internacional». A visita do secretario xeral coincide co 30 aniversario do ingreso deste país na ONU. Todo iso no medio de dúas importantes crises para Chisinau. A primeira delas ten que ver con Transnistria, rexión fronteiriza con Ucraína e de gran importancia geoestratéxica no marco da guerra e que chegou a poñer a Moldavia na lista negra de Vladímir Putin.
50