- A Audiencia Provincial anula a condena e obriga a repetir o xuízo
- José García Liñares poderá presentarse como candidato á alcaldía nestas eleccións
A Audiencia Provincial de A Coruña anulou a sentenza pola que o alcalde de Cerceda, José García Liñares, fora condenado a un ano e seis meses de prisión, ademais de a 16 anos de inhabilitación por prevaricación e fraude á Administración.
Consideran que no xuízo quedou comprometida a «imparcialidade» do xuíz José Antonio Vázquez Taín. Deste xeito, prospera o recurso interposto pola defensa do rexedor, que foi defendido polo letrado Ulises Bértolo, de Bermor Avogados.
Liñares poderá concorrer de novo aos comicios municipais do próximo 26 de maio.