A Garda Civil recuperou pasadas as 10 da mañá deste domingo os corpos de dous homes de mediana idade que apareceron aboiando en augas do porto de Ferrol, a uns 100 metros da costa, na zona de Prioriño.
Os tripulantes dun pesqueiro foron os primeiros que se decataron da presenza dun corpo, e minutos despois atopouse o segundo cadáver flotando. Foron trasladados ao Hospital Naval onde nos próximos días se lles practicarán as autopsias para coñecer a causa das súas mortes. Fontes próximas din que poderia tratarse de dous irmáns pescadores de Fene, algo pendente de determinar.
A Policía Xudicial de Ferrol fixose cargo da instrucción das correspondentes dilixencias.