As grandes potencias da Unión Europea apoian a candidatura «inmediata» de Ucraína á Unión Europea. Nunha reunión en Kiev, EmmanuelMacron, OlafScholz e Mario Draghi, aos que tamén se sumou o presidente romanés, Klaus Iohannis abordaron ademais da candidatura á UE, a cuestión da subministración de armas e a apertura de corredores marítimos para exportar toneladas de cereais de forma segura polo Mar Negro.
«O apoio á integración de Ucraína na UE sería a principal manifestación da nosa coordinada e forte posición común, asegurou o presidente Zelenski. A historia europea, tal e como se desenvolveu, apoiaría unha resposta positiva ás aspiracións ucraínas. O estatuto de país candidato á UE para Ucraína podería converterse nunha das decisións europeas clave deste primeiro terzo do século XXI» dixo Zelenski.
Respecto a un acordo de paz con Rusia os líderes europeos cren que aínda está lonxe e que unha solución diplomática non pode prescindir da «vontade» de Kiev.